Hei, fyrste gong eg smakte Banoffee Pie var då eg budde i England for nokre år sida. Eg likte det veldig godt, men det tok tid før eg prøvde å lage den sjølv. Dette pga tida det tek, samt risiko involvert ved å koke boksane med kondensert melk. Då eg fyrst laga den sjølv, var det ei oppskrift der eg kokte kondensert melk ilag med smør og sukker, trur kanskje det var her på Det Søte liv eg fann den? :-) Smakte godt, men ikkje akkurat slik eg hugsa det frå England. Fann omsider ut at det også gjekk an å kjøpe ferdigkokt kondensert melk, då blir det kalla "Dulce du leche". Vart glad då eg endeleg fann det på ein tur til Sverige for nokre år sida, sjølv om det var ganske dyrt. Vart nok skuffa då eg opna den: ikkje fordi det ikkje smakte godt, men fordi det var IDENTISK med noko billegare og mykje meir lett tilgjengelig i Norge; nemlig HAPÅ. Har i ettertid prøvd å koke ei heil boks med søta kondensert melk, resultatet er det same. Eg har laga HAPÅ... Så den såkalla Toffeen det blir snakka om i engelske/amerikanske oppskrifter, er rett og slett eit vanleg norsk pålegg. Så spar deg for bryet, tid, risiko for å måtte vaske ned kjøkent, og også pengar. Kjøp HAPÅ i staden :-)
mvh Einar